Tegnologie graad 7

Welkom by my Tegnologieblad. Ek gee nou weer self die vak Tegnologie. Ek los al die inskrywings hierop sodat julle kan voorstelle kry. Dit is maar my interpretasie van die aanbieding van die vak. dit is binne die parameters van die CAPS dokument. Die onderwyser of onderwyseres se opdragte is egter prioriteit in elkeen se eie skool. Elke kind het die verantwoordelikheid om die vak ernstig op te neem en saam met sy onderwyser of onderwyseres te werk aan sukses vir die vak. Sukses wat nie net gemeet word aan punte nie maar werklike kreatiewe toepassing van dit wat hy deur ervaring en samewerking leer. Sterkte aan elkeen.

Kyk ook my Youtube channel. Naam: Mnr Nel

Hier is my nuutste skildery met n dubbelverdwynpunt.

Hier is idees vir ‘n enkel verdwynpunt skets.

Ook idees vir n dubbel verdwynpunt.

Hier is n paar fotos om jou lus te maak. Kyk of jy die hefboomklasse kan uitken.

 

 

 

 

 

Hier is solank die opdragte wat gedoen moet word. Ek sal dit plaas nadat ek die werk in die klas behandel het en dit voltooi is.

Werk skets opdrag (10 punte)

Teken die volgende 3D voorwerp as ‘n werkskets met die Voor-, Bo- en syaansig. Die skets moet op blokkiespapier gemaak word wat verskaf sal word.

Opdrag 3: Verdwynpuntstudie (5)

Teken ’n verdwynpuntstudie van ‘n kubus met liniaal en potlood. Onthou konstruksielyne.

Opdrag 4 Hefbome (10 Punte)

Lees die onderstaande paragraaf noukeurig deur. Voltooi die tabel deur drie voorbeelde van hefbome te noem wat op en om die konstruksiewerf gevind word en noem ook die tipe klas van elke hefboom wat jy benoem. Teken ook ‘n grafiese voorstelling van die tipe hefboom.

Kempton Park het so pas ‘n nuwe Mall gekry waar daar vir meer as ‘n jaar geswoeg en gesweet is om die bouwerk klaar te kry. Reeds van die begin af was dit ‘n gewerskaf om al die sand met kruiwaens uit die pad te kry. Die werkers het die sand met grawe in die kruiwaens gegooi. Langs die konstruksiewerf het die maatskappy skoppelmaaie en wipplanke vir die werkers se kinders opgerig sodat hulle veilig deur die dag kon speel.

Opdrag 5  PNEUMATIKA EN HIDROULIKA    (10 PUNTE)

Doen navorsing oor PNEUMATIESE en HIDROULIESE stelsels. Gebruik 1 A4 wit papier. Beskryf wat elkeen is en noem voorbeelde in die praktyk. Noem ook die voordele en die nadele van elkeen. Vul jou navorsing aan met 2 gepaste prente.

Pneumatika is die studie en toepassing van saamgeperste gas om meganiese beweging te produseer en werk te verrig.

Hidroulika is die studie en toepassing van saamgeperste vloeistof om meganiese beweging te produseer en werk te verrig.

Pneumatiese stelsels wat op groot skaal gebruik word in die bedryf word algemeen aangedryf deur saamgeperste lug of saamgeperste edelgasse sodat chemiese reaksies nie plaasvind nie. Saamgeperste gas word dikwels verkry deur ‘n masjien wat ‘n kompressor genoem word. Beide pneumatika en hidroulika is die toepassings van vloei energie.

Die verskil is dat in pneumatika word daar ‘n maklik saamdrukbare gas soos lug of ‘n geskikte suiwer gas gebruik terwyl hidroulika ‘n relatief onsaamdrukbare vloeistof soos olie gebruik.

• Lugremme op Busse, Trokke, Treine en ander swaar voertuie
• Lug Gaskompressors
• Lug motors vir pneumaties aangedrewe voertuie
• Tandheelkunde
• Konstruksie
• Mynbou en ander gebiede.
• Sirenes

 

Hier is ‘n voorbeeld van regte reddingskake.

Kwartaal 2

Hierdie kwartaal kom Strukture aan die beurt.

Kyk uit vir die rubriek wat ek gaan gebruik om die selfoontorings wat julle moet vervaardig gaan bepunt. Hier is ‘n paar fotos van verlede jaar se torings.

Kwartaal 3

Hierdie kwartaal behandel ons magnetisme en elektriese stelsels.

Kyk nou al uit hoe ‘n elektromagneet werk en neem goed kennis van stroombane.

 

Hier is voorbeelde van laasjaar se modelle.